Sabtu, 11 Januari 2025

Crita Misteri

ORDERAN NYALAWADI

dening: Dyah Kurniawati        

Mumpung prei kuliyah aku nonthong neng taman kutha sinambi nunggu orderan. Nanging kawit esuk durung oleh orderan blas, sepi. Tak inguk layar hp, pranyata wis meh jam lima sore. Weteng sing kemrucuk  gage tak grujug banyu ngombe sing kari telung ceglukan ing botol sanguku saka kost. Wetengku saya kelet, merga durung mangen awan. Tak empet nganti oleh orderan, pasa dhisik. Untunge esuk mau wis klebon sega pecel olehku tuku neng warung ngarep kost. Urip adoh wong tuwa kudu irit. Apa maneh sedhela maneh wis arep mbayar UKT, aku kudu nglumpukne dhuwit aja nganti ngrepoti wong tuwa  neng kampung.

Ujug-ujug hp ku getar, tandha ana orderan. Age-age tak jupuk orderan iku, lumayan lah tinimbang sedina blas ora nyanthol. Bareng tak matke kok rada adoh, pinggir kutha. Nanging eman yen ora dijupuk, merga lumayan opahe.

Merga rada adoh, tak chat sing order, 

“Niki kula posisi ten tengah kutha, dados radi tebih. Menawi purun nengga nggih  kula bidhal.”

Nanging tak enteni suwe kok ora ana balesan, merga selak surup motor tak stater bablas ngalor manut google maps ing aplikasi. Dalane isih makadham lan ngliwati ara-ara sing sepi, blas durung simpangan karo kendharaan. Tekan ngarep klentheng takalonke lakune motorku. Tak pantengi terus google maps karo isih lingak-linguk merga arang omah, kaya area pabrik kang suwe ora prodhuksi. Merga lagi kuliyah setahun ing kutha iki, dadi durung apal karo dhaerah kene. 

Wektune wis remeng-remeng gek lampune akeh sing mati. Tak cedhaki omah sing  kaya mess karyawan, nanging  sepi kaya suwe ora diambah. Sukete neng latar ketel, jendhela kaca bledhuge kandhel lan reseke mosah masih ketara suwe ora disapu. Tak telpon bolak balik sing mau order panggah ora diangkat, kamangka pesenanku durung dibatalke.  Kayane bangunane suwe kosong.

Githokku merngkirig, awakku anyeb njejet nalika cendhela kaca sing kandhel bledhuge kemriyet mbukak dhewe katerak angin. Pikiranku bleng sanalika mbayangke sing ora-ora. Dumadakan angin gedhe kairing mendhung kang saya kandel, pratandha arep udan. Nambahi swasana tansaya sir-sir.

Lamat-lamat krungu adan magrib mbarengi baline kesadaranku. Motor banjur tak blandhangke saparan-paran penting oncat saka papan kono. Orderan banjur tak batalake, karo unjal ambegan landhung. Ngimpi apa mau bengi.

Tratabanku durung ilang nalika ana sawijining ibu udakara umur 35 taun ngawe aku karo setengah mlayu,

“Mas, Mas! Tulung ewangi goleki anakku ya…,” kandha ngono banjur nyengklak ing boncenganku.

“Niki ten pundi, Bu?” takonku setengah bingung.

“Wis, ayo pokoke mlaku.”

Motor tak lakokne alon alon ngubengi kampung sing wis sepi, kadhangkala ngliwati tebon lan sawah-sawah. Sadawane dalan ibuke crita yen anake sing lagi umur limang taun mau sore ngetutke kledhek kethek mlaku turut kampung. Nganti magrib durung mulih. 

Tansaya bengi tangise ibu mau pecah, merga anake durung ketemu. Kanthi rada ngati-ngati tak saranke mbalik mulih bae njaluk pitulungan Pak Lurah ben ngerahke wargane melu nggoleki. 

Meh bae puter balik, lakok ana swara tangisan ing pinggir kalen, ngisor tebon. Ibuk mau gage nyolot saka motor merga yakin kuwi swarane anake.

“Owalah Ndhuk, gek kowe nyapo neng kene. Gusti Allah maturnuwun….” Ibu mau mbengok saking senenge ketemu anake kang nangis ngguguk lan awake beret kabeh kenek tebon. Anake banjur dirayuk lan digendhong karo diambungi bola-bali.

Aku uga melu lega nalika mbalik ngeterke ibu saanake mulih. Lega maneh nalika pas mbayar ibuke menehi bonus turah-turah.

“Iki Le, tak tambahi. Maturnuwun ya wis ngrewangi mubeng-mubeng nggoleki anakku.”

“Inggih sami-sami, maturnuwun sampun diparingi bonus kathah.”

Olehku sabar sedina utuh dibayar lunas, malah ngluwihi pendhapatanku seminggu. Wis ora takpikir maneh orderan ghaib mau. Aku yakin kabeh iku ana sing ngatur lan dadi dalane rejekiku dina iki. Maturnuwun Gusti.

******

Madiun, 27 Desember 2024

Biodata Pangripta:

Dyah Kurniawati.

Sawijining wanita kang kayungyun marang sastra lan budaya Jawa. Lulusan Pendidikan Bahasa lan Sastra Daerah UNESA iki uga nulis cerkak, cerpen, puisi, resensi buku lan liyane. Saiki dadi buruh momong ing MTsN Kutha Madiun .


Wis Kapacak ing Majalah Jaya Baya nomer 21, Minggu III Januari 2025






Cerkak-Wacan Bocah

 Sinau ing Kampung Inggris

dening : Asyifa Dianda N. A.

Akhir wulan Mei 2024, sekolahku MTsN Kota Madiun sing klas 7 unggulan BLC (Bilingual Class)  nganakake program sinau ing HEC (Happy English Course)   Kampung Inggris Pare, Kediri. Sing budhal taun iki  ana limang klas yaiku 7A, 7B, 7C, 7D lan 7E, suwene rong minggu. Aku lan kanca-kancaku seneng banget. Malah akeh kancaku wis padha siap-siap tuku perlengkapan kanggo neng Pare, kamangka wektune budhal isih kurang seminggunan.

Aku ya ngono, dina Jemuwah nalika mulih sekolah ibuku ngejak tuku perlengkapan. Dina Setune banjur tak tata neng tas sing arep tak gawa neng Kampung Inggris.

Akhire wektu sing dienteni teka. Dina Minggu budhal numpak bus saka madrasah menyang Kampung Inggris,  seru banget! Pas tekan HEC, diwenehi sosialisasi lan sambutan dening direktur lan guru-gurune . Bar sosialisasi, dikongkon mangan, asyik! Cah-cah ya ketokan padha luwe kabeh. Sawise wareg, diarahke mlebu kamar kang wis dibagi sadurunge.

Kamarku ning lantai 3, duh! Kesel pol munggahe. Tapi ora apa apa, soale pemandangane apik banget. Aku lan kanca sekamarku langsung ngresiki kamar lan beres-beres supaya enak disawang. Dina kapisan isih free, isih oleh nyekel hp lan dolanan bengi-bengi karo kanca sing beda kamar.

Malah bengi kapisan kuwi aku bareng-bareng sakelas pesen maem lan maem gofood bareng-bareng lan dimaem ing gazebo ngarep asrama. Seru banget, bocah saka kelas liya nganti iri delok kekompakan kelasku, hehe.

Merga wis bengi aku mbalik kamar karo kanca sekamarku, lan ngobrol bareng ning kamar. Sawise  nyetel alarm trus mapan turu. Hawane adhem banget, awale aku wedi ora isa turu, tapi tibake malah turu angler.

Dina kapindho wiwit pembelajaran, mlebu jam lima, esuk banget ya? Aku lan kancaku tangi jam setengah papat. Awale padha ngeluh, ngantuk banget sinau esuk-esuk tapi suwe-suwe wis biasa.

Jam enem sarapan terus ngaso nganti jam pitu, banjur sinau maneh. Yen dina Senen jam pitu upacara, lan upacarane nggawe basa Inggris lho, keren banget.

Akeh banget kancaku sing keturon pas sinau, aku kadang ya keturon sih. Pancen nek sinau hawane ki ngantuk terus, hehe. Giliran pas jam sanga padha seneng kabeh, soale wayahe istirahat. Mlebu meneh jam sepuluh lan nganti jam sewelas istirahat mangan, sholat lan bobok awan nganti setengah telu sore, enak.

Setengah telu lanjut sinau meneh nganti setengah papat. Setengah papat kuwi  dikongkon sholat ashar. Nalika kuwi aku lan kanca sing lagi prei sholat njajal tuku susu, eh enak! Susu kuwi dadi susu legend sing disenengi bocah-bocah sasuwene ing Pare. Sawise kuwi  sinau meneh nganti jam lima banjur mangan bengi.

Bar mangan, cah-cah padha istirahat sinambi ngenteni adzan maghrib. Aku lan kancaku biasane ngenteni ning balkon pojok lantai telu karo ndelok sunset, apik banget. Kabeh seneng banget lungguh ning balkon kuwi, panggon kesenengane bocah wedok kelasku sasuwene neng Pare. Panggon ngumpul, ngobrol, mangan, lan liyane, kangen banget.  

Mlebu maneh kelas bengi jam pitu. Bocah-bocah padha seneng kegiatan bar klas wengi. Ana sing sepedhaan, ngobrol, masak mi, sinau, ngumpul, jajan, dolanan, lan liya-liya, seru pol. Ning kene akeh sewa sepedhah dadi  ora bosen nek ora enek hp. Biasane ana bakul dolanan sekitaran jam istirahat awan,  padha seneng mesisan nostalgia dolanan jaman mbiyen.

Akeh  sing kangen wongtuwane lan ora betah ning kene, nanging tak delok suwe-suwe  ya betah. Ya gak sithik sing bosen, nanging tim HEC iki pinter nggawe bocah-bocah sibuk.  Ana bae tugas sing nggawe  mikir, ngumpul, lan nggawe strategi dhewe saengga dadi kreatif. Kadhangkala  angel lan nggarai mumet, nanging kuwi malah ndadekake aku lan kanca-kanca saya rukun lan  akrab. Sing mulane ora cedhak malih dadi bestie.

Saben dinane ya ngono kuwi, saya suwe tambah seru lan ora pengin mulih. Ujiane akhir basa Inggris saben dina  Jemuwah. Medeni tapi seru, soale buaar kuwi bebas, hehe. Jemuwah pungkasan dikumpulne esuk-esuk lan ujian vocab, ndredeg! Tapi tibake timku enthok vocab paling akeh. Seneng banget, banjur ujian final angeeel, tapi ora apa-apa, sesuke wis mulih.

Siji maneh, saben Jemuwah bengi ana tahlilan. Pas Jemuwah  bengi kaloro lan pungkasan aku  kapilih dadi speaker, utawa wong sing nyampekake sesorah/pidhato, nanging nganggo basa Inggris! Aku ndredeg pol, tapi alhamdulillah  lancar.

Dina Setu dina minggu kapindho, dina sing paling dienteni merga jadwale  mulih. Sadurunge mulih ana penampilan-penampilan sik perkelas. Ana  sing dipapag wongtuwane lan ana sing barengan karo bis.

Akhire sore wis tekan MTs maneh, padha kangen karo Madiun. Kanca-kanca lan aku ora bakal nglalekake pengalaman kuwi. Nalika wis balik sinau maneh neng madrasah, kabeh padha kangen Pare maneh. Iku pengalamanku sasuwenme sinau ing HEC Kampung Inggris Pare, Kediri. Maturnuwun.

********

Madiun, 2024


Biodata Pangripta:

Asyifa Dianda Nur Aliyyah

Lair ing tanggal 2 Juli 2010. Siswi klas 9P MTsN Kota Madiun iki kalebu siswa program SKS, rong taun lulus. Wiwit cilik duwe kasenengan nggambar lan nduweni ketertarikan karo sains. Cita-citane pengin bisa bahagyakne wong tuwa lan sukses ing dunya lan akhirat,  Aamiin Ya Rabbal 'Alamiin.

Rabu, 06 November 2024

Cerkak Misteri

Keluk Dupa Tengah Wengi


Kamar mahad putri geger bengi kuwi. Swara pating klesik, bisik-bisik karo lungguh dhempetan, umpel-umpelan merga keweden. Teror tengah wengi kuwi tansaya nambahi mirise ati. Masiya medeni, nanging malah nambahi penasarane ati.

Rina nangis kamisesegen lungguh ing sela-selane Dewi lan Hani. Dheweke ngewel merga thong-thongen bubar weruh wewayangan obah-obah ing suwalike korden cendhela.

Wengi kuwi udakara jam rolas, santri penghuni asrama mahad putri meh kabeh angler ngliseg merga kekeselen. Nanging bocah lima isih jegigisan, yakuwi Rina, Dewi, Hani, Naya lan Nurul, ora ndang turu-turu. Umi Siti, ibu asuh mahad putri wis kaping telu dhodhogi lawang kamar, mrintah kon ndang turu. Nanging sawise Umi Siti ngalih bocah lima panggah jegigisan.

Bocah kuwi kawit mlebu mahad angel banget omong-omongane. Saben bengi angel yen kon ndang turu. Kabeh santri sing neng kamar kuwi rumangsa keganggu. Sajane wis diperingatke pengurus bola-bali panggah bae ora kapok.

Rina nyawang jam sing cumanthel ing tembok,

“Eh, wis jam setengah siji lo Cah, ayo turu.”

“Aku sik gung ngantuk hlo.”

“Hiya, mandhak Umi Siti wis medhun ae hlo. Aman wis.”

“Hahahaha, hiyaa. Ayo ngedur nganti esuk wae. Sapa wani.”

“Akuuuuuu!!! Hahahahaaa”

“Ssstt, aja rame-rame ngko nek kuntilanake tangi hlo.”

“Stttt!”

Ujug-ujug kabeh meneng lan nglirik arahe cendhela cedhak tlundhakan. Kabeh ngrasa mengkirig weruh wewayangan obah-obah ing suwalike cendhela kuwi. Durung ilang kagete, mak breng kasusul ambu dupa sumribit saka arah cendhela mau.

Rina njerit lan ngewel. Tangane nuding-nuding pernahe cendhela banjur nutupi raine nganggo kemul. Kabeh kancane uga narik kemul padha Rina. Nanging nganti jam 3 panggah ora bisa turu, mung kethip-kethip kanthi pikiran ora karuwan.

Dumadakan keprungu bel lan halo-halo yen kabeh santri wayahe tangi sholat tahajud. Karo pandeng-pandengan cah lima sing durung turu blas mau ya melu tangi, nanging merga kabeh penghuni kamar wis tangi lan aktifitas, dadi rasa wedine wis suda.

Sajoge kedadeyan wengi kuwi, bocah lima sing biyasane saben tengah wengi jegigisan ngganggu santri liyane sing istirahat, saiki wis ora maneh. Wiwit jam sepuluh bengi wis mapan turu manut jadwal mahad.

*****

Nalika arep mapan sare Ustadz Imam karo mesem ngendika marang garwane, Umi Siti,

“Piye Um, santri putri saiki wis aman ta?”

“Alhamdulillah, misi sukses.  Sajoge kedadeyan bengi kuwi kabeh wis ora ana maneh sing jegigisan melek bengi.”

“Sip, yen ngono ide mbakar dupa lan ngobahne rukuh neng suwalike cendhela kae kasil medeni bocah ben tertib ndang turu. Merga akeh sing gak nyaman gara-gara polahe bocah lima kuwi.”

“Yawis, dupa sing kari separo kae ndang dibuwang bae hehe.”

“Inggih, muga-muga aman sateruse.”

“Alhamdulillah.”

 

*****

 

Madiun. 6 Nopember 2024


Biodata Pangripta: Dyah KurniawatiSawijining wanita kang kayungyun marang sastra lan budaya Jawa. Lulusan Pendidikan Bahasa lan Sastra Daerah UNESA iki uga nulis puluhan buku,  cerkak, cerpen, puisi, resensi lan liyane. Saiki  ngabdi ing MTsN kutha Madiun.

Selasa, 08 Oktober 2024

Cerkak-Wacan Bocah

DIKITER ASU

Dening: Ayudewi Saraswati Sari Intan

Aku lan dulurku cacah pitu lagi ngrayakne malem takbiran ing lapangan Winongo. Pas neng dalan sing peteng dhedhet kaya ana sing obah-obah.Bareng takparani karo dulur-dulurku anehe ora ana apa-apa. Trus ana sing muni,

"Hee, ayo dolanan mercon, aku nggawa iki. Mumpung neng kene sepi lan peteng.”

Kabeh padha semaur,

  "Ayoo…! Ayoo!"

“He sing genah ta! Mengko nek enek jumpscare ngono piye jall?"

 "Wis ta aman aman, mandhak awake dhewe cah pitu mosok ora wani lho".

Sidane kabeh gelem, nanging malah enek kedadeyan sing lucu meh nyepotke jantung. Bedheken jal bar iki enek apa???.

Pas mercon disumet otomatis dalan sing awale peteng dhedhet malih mak lap kaya kesamber bledhek. Kaya piye ya, kaya ngeflash ngunu lhooo. Lha pas kuwi aku weruh enek omah kosong lampune ora diuripke.. Neng terase enek kursi goyang.

Pas dulurku ngurupke mercon maneh,  tak delok ujug-ujug ing teras omah mau enek  mbah-mbah tapi meneng bae. Banjur dulurku ngiripke  mercon sing kaping telu, mbah kuwi wis pindhah nggon cedhak panggonan nguripke mercon.

Nah, mercon sing kapapat diurupke maneh mbah kuwi njodhil kaget. Saking kagete banjur misuh lan mbengok,

 “Jeeyyan jooss!”

Mbah kuwi banjur ngiter aku karo dulurku sing mlayu gendring keweden. Apamaneh mbahe nggawa selot keramat. Karo mbengok maneh,

“Bocah ogh, enek wong tuwa barang malah dolanan mercon. Gek bianter sisan garahi kaget wong tuwek!!!!! "

Ujug-ujug saka pucuke dalan sing peteng dhedhet kuwi kaya ana sing mlayu, tibake asu gedhe banget. Asune uga kaget langsung ngiter aku lan dulur-dulurku. Lepas saka mbah kuwi mau langsung ditampani asu sing ganti ngiter.

Karo ngewel, aku lan dulur-dulurku kepeksa ngubengi lapangan Winongo nganti limang ubengan, nganti asune mlayu ngalih. Bareng wis aman kabeh padha mulih golek slamet dhewe-dhewe.

Tekan omah sikilku langsung teklok setengah mati. Sawise kekadeyan kuwi aku kapok dolanan mercon ing panggonan sing peteng dhedhet maneh.

******

Madiun, Oktober 2024



Biodata Pangripta: Ayudewi Saraswati Sari Intan. Lair ing tanggal 5 Desember 2011. Saiki isih dadi siswa MTsN Kota Madiun Kelas 7M. Nduweni Kasenangan gambar lan masak. Cita-Citane pengin dadi pengusaha sing sukses dunya lan akherat, supaya bisa kebanggane wong tuwa. Amin Ya Rabbal Alamin.

 

Jumat, 04 Oktober 2024

CERKAK-WACAN BOCAH

 KECEMPLUNG KALEN

dening: Nayra Anike Prastika

            Nalika isih TK, aku duwe sepedhah werna ungu. Sepedha unguku kuwi banget taktresnani, amerga tansah setya ngancani dina-dinaku. Mbuh kuwi susah apa seneng. Biyasane aku sepedhahan ing dina prei bareng kanca-kanca sapantaran cedhak omahku.

Sawijine dina pas prei sekolah, aku diparani kanca-kancaku arep dijak sepedhahan ngubengi desa. Tekan lapangan krasa kesel lan padha leren. Pas kuwi ana bakul es liwat.  Aku lan kanca-kancaku iseng nyegat bakul es karo jegigisan, kamangka siji wae gak ana sing nggawa dhuwit.

“Pak, tumbas!”

Bakule es mandheg, aku karo kanca-kancaku malah ngalih. Jelalah neng kono pas rame warga padha lungguhan, padha nyeneni aku karo kanca-kancaku.

Karo cekikian banjur padha mlayu njupuk sepedhahe lan mblandhang banter. Kanca-kancaku padha ngebut banter lan aku ditinggal mburi dhewe. Mlakuku alon alon merga durung sepira lancar. Pedhal takgenjot banter nyoba ngiter kanca-kancaku.  Merga wedi lan kesusu dadi ora patiya ngingeti dalan.

“Bruakkk!!”

Ujug-ujug ana kucing liwat neng ngarepku tanpa permisi. Sepedhaku nyemplung selokan, aku melu njungkel pisan. Untunge ora ana wong ing sakitare kono, merga meh surup. Dadi aku ora sepira isin. Karo ngempet lara aku ngadeg dhewe. Ora krasa luhku dleweran, nangis merga ditinggal kanca-kancaku. Sepedhaku rusak, lan mulih tak tuntun. Nelangsa atiku.

            Tekan ngarep omah aku langsung nggoleki ibu.

“Buk, aku tibaaaa….!”

Ibuku mlayu saka njero omah gage marani. Banjur takcritakne apa sing lagi kedadean karo mingseg-mingseg. Ndeleng awakku reged kabeh merga bar kecemplung kalen, ibu ngongkon aku ndang adus. Banjur ibu nyepakne maemku.

Sawise salin klambi aku langsung maem merga keluwen, luwe merga kesuwen nangis. Bapakku neng ngarepan dandani sepedhahku sing rusak parah,

Bareng sepedhaku wis kenek, alon-alon takjajal mara menyang omahe kancaku sing cedhak. Aku banjur crita kedadeyan nalika ditinggal mau. Kancaku jaluk sepura wis ninggal, merga kabeh wedi diseneni warga wis nyeluk bakul es gak tanggung jawab.

Bar kuwi apikan maneh, aku gak nesu. Aku karo kancaku rencana dolan maneh, nanging ora bakal mbaleni klakuwan sing ora bener lan ngisin-ngisini mau.    

******

Madiun, 25 Agustus

Biodata Pangripta: Nayra Anike Prastika. Lair ing tanggal 5 Januari 2012. Saiki isih dadi siswa MTsN Kota Madiun Kelas 7N. Nduweni kasenengan sepedhahan. Cita-Citane pengin dadi dokter sing sukses, supaya bisa dadi kebanggaane wong tuwa. Aamiin.




Minggu, 29 September 2024

ANA ANA BAE

DI PRANGK ATM 


Mau esuk mas bojo metu terus mesisan aku nitip jupuk dhuwit neng ATM amarga aku ya lagi umyeg ing omah( asline males metu kepenaken ndhekem kanthi alesan WFH..wkwk).

Tekan omah crita kok dhuwitku ing ATM kari saithik..saldo tidak mencukupi. Wis diganti pindah ATM ya ngono tetep saldo kosong.

Maktratab..makdheg..aku ya langsung ngedrop..kamangka bayar wulan iki langsung mlebu ATM durung kesenggol blas. Njur neng endi parane dhuwitku?

Jelalah M-Banking ku keblokir arep ngurus males antrine..tur saka sms banking uga ora ana laporan dhuwit metu.

Karo dhelog-dhelog katon semliwer tagihan iki..tagihan kae..tagihan iku...wadhuuuhh gek piye iki mengko.

Kanthi ngomel-ngomel kaya biasane saomah kena semprot kabeh lan ora ana sing wani cemuwit yen sang putri wiwit ngoceh cicit cuwit (ing ngendi-2 panggon wong wedok ki mesthi bener ya).

Kalawan ati dongkol isih ngedhumel..rasane campur adhuk ora karuan aku nyaut kontak lan bablas menyang kantor Bank cedhak pasar..antriane byuuuh ngalahake audisi Indonesia Idol. Sidane motor tak blandhangke menyang Kantor Bank sing tak anggep luwih sepi. Nanging tibake jas buka iket blangkon, sama juga sami mawon...uantriiii luur.

Ya wislah kanthi kepeksa aku jupuk antrian mesisan nunut ngiyup lan ngadhem. Lumayan panase atiku sing kemropok ditepasi AC dadi rada manget-manget sithik.

Karo nyawang mbak teler karo mas CS sing bening2 aku njur iseng2 mara neng ATM sing ana ing ruangan iku.

Lakok tibake dhuwitku mbalik maneh utuh kaya sing tak karepake. Walah.

Njur..aku mau  lungguh thenguk2 jam-jaman ing kene kaya wong linglung ora ana paedahe ta ya. Gage dhuwit ing ATM tak sedhot..aku bablas mulih. Babahne nomet antrianku mau, sing penting aku enggal tekan omah lan jaluk sepura marang wong omah sing wis tak ocehi mau esuk.

Nanging tekan omah tibake wis kosong..ora enek sapa2.

Tak brukne awakku ing dhuwur kasur karo kelop-kelop. Jane ngimpi apa aku iki mau kok manutmen digawek-gawekne dening ATM.

Nanging isih taksyukuri dhuwitku aman lan isa kanggo nyembung urip ing wulan iki.

Mugi rahayu sagung dumadi.

Maturnuwun 

  







Dyah Kurniawati lahir dan bermukim di Madiun. Menggilai fiksi sejak berseragam putih merah. Lulusan Pend. Bahasa dan Sastra Jawa ini mencoba selingkuh ke sastra Indonesia, tapi tak kuasa lepas dari hangat pelukan sastra Jawa. Menulis geguritan, cerkak, esai, cerita lucu, juga menulis puisi dan cerpen.






 


#Kapacak ing Jaya Baya No. 21 Minggu III Januari 2024, Rubrik Ana-Ana Bae.











Jumat, 26 Mei 2023

Cerkak (2) Kelas 8A MTsN Kota Madiun

GLADHEN


CRITA 8A WEKTU PANDHEMI

TUGAS BASA JAWA (TA. 2022/2023)


Dening: Dyah Kurniawati






BERKAH PANDHEMI

Wis ana sesasinan aku ora sekolah  amarga Covid-19. Sekolahe mung saka omah lumantar hp utawa laptop kang ana  internete. Sekolah sing dijenengke daring iki bosenake banget. Saliyane iku ibuku ya muring-muring terus amarga nek aku bingung nggarap tugas ya ibu sing taktakoni. Kamangka panjenengane repot ngurusi adhikku sing isih cilik lan uga kudu nandangi gaweyan omah liyane. Adhikku siji jenenge Haikal  isih TK ya daring pisan. Meh saben dina aku karo adhikku kudu setor tugas lan kudu diupload. Yen tugase video ora bisa sepisan langsung dadi, iku uga sing jalari ibuku sayah. 

Coba terusna cerkak ing dhuwur. Bebas, bisa saka pengalamanmu sekolah daring taun wingi. Semangat!


Jawaban:

14. Aku karo haikal kepengen iso sekolah offline neh ben iso mergo aku ngesakne garai bukku sayah bantuni aku setor tugas lan nge upload ne,lan kepengen ketemu konco koncoku ing sekolah,alhamdulillah sesok aku iso offline amarga kasus covid 19 wess ora terlalu parahh, alhamdulillah aku iso ketemu konco koncoku lan guru guru,aku seneng banget iso jajan lan metu omah amarga selama covid 19 aku dikonkon ojo metu neng ndi neng ndi lan tugas pass daring seng akeh, pass mlebu, tibakno akeh koncoku seng ditagih tugas amarga ga ngumpul ke pass daring, alhamdulillah selama daring aku sering ngumpulke tugas meskipun memori hpku ameh entek, alhamdulillah minggu depan aku ditukokne HP anyar kambekk bukku amarga HP ku memori neh ameh entek lan aku seng rajin nugass, sing garai bukku seneng.minggu mengko aku lan keluarga ku dolan ing pantai, akhire pass akhir semester aku iso naik kelas mbekk konco seng anyar amarga dia acak mbekk kelas lio, ing kelas iki aku ketemu konco seng pinter pinter lan ramah,aku ketemu mbekk guru anyar ing kelas anyar iki, alhamdulillah selama covid 19 aku seneng amarga iso daring lan ketemu konco koncoku.


15. Pandemi iki uga urung bar samono wae, pandemi iki mulai pas aku kelas 5 MI, ora kroso nganti aku arep munggah kelas 6, aku sinau lewat daring, neng omah. Sinau daring gunakake app google classroom lan zoom meeting seng diadakne karo guru, yen ora zoom aku uga diutus ibu ku, kadang ing pasar utawa ing toko ngarep omah, naliko bumbu masak telas.
Sinau daring iki ana enak e lan ora penak e,ora penak e, kadang tugas luwih akeh, lan akhire numpuk, amargo ketumpuk Karo tugas seng kudu dikumpulake cepet, ana uga tugas Vidio, aku kurang seneng karo tugas vidio, amargo ora bisa sekali ngerekam langsung dadi, kudu berkali kali, ngerekam lagi iso dadi. Haikal adik ku uga ngono, kadang aku mbantu adik ku yen kesusahan gawe tugas Vidio. Pas daring aku uga diwulang Karo guru guru lewat grup wa. Ana guru seng cuma nguwehi absen tok, bar ngono ulangan harian. Ana uga guru seng jupuk Vidio Soko YouTube lan materi materi Soko media sosial, kadang tugas Vidio ora dikirim lewat wa wae, iso uga kon ngeupload neng media sosial, koyok IG lan tik tok.
Pandemi ugo ora mari sampe setahun, akhire aku unggah unggah ing kelas 7 SMP.Aku sedih banget masa kelas 6 ku digawe daring, pandemi mulai reda utawa membaik, masyarakat mulai ngadake acara acara pertemuan ing jobo ruangan, akhire aku karo konco konco MI ngadake acara perpisahan cilik cilikan, seng ngundang guru wali. Aku seneng banget iso kumpul Karo konco konco ku, wes setahun ora ketemu, iku sitik cerita ku ing pandemi covid 19.

16. Bar daring aku juga ngewangi ibuku nyuci baju, isah isah lan laine. Selain daring neng omah aku kadang yo daring neng omah e mbahku, biasane dolanan kambek adekku sing sijine. Bar daring biasane aku yo dolan neng omah e konco ku, ngerjakne tugas utawa crita crita pas daring.

Muleh soko omah e konco ku aku dikengken makani kucing terus nyiram tanduran nalika ibuku ngomong "lek bar makani kucing, nyiram tanduran neng etan omah ya" "iyaa" balesku. Sawis e aku nyirami tanduran aku dolanan karo adekku. Lan pas bengi ngerjakne tugas lan ora lali tugas di upload.

Akhire wis dina Sabtu ae, bapakku ngajak sakeluwarga lunga menyang omah e dulur ku. Ing perjalanan aku seneng banget, mergo bapak jarang ana waktu karo kaluwarga. Sawise teka ing omah e sodara ku, aku wijik tangan lan dolanan karo sodara ku.

Ing omah e dulurku, aku dijak menyang sawah. Swasanane neng sawah adem, angine slilir slilir. Sak wis e neng sawah aku muleh neng omah dulurku.

16. Saben dina senin nganthi sebtu sekolahan ngadakake sekolah daring pas wayah pandemi covid-19.Amarga kuwi sekolahe ngebosenake lan ora iso petukan karo kanca-kancane.Yen arep metu saka omah kudu nggawe masker lan njogo jarak paling ora 1 meter.Yen wayah dina minggu kabeh bocah-bocah ora enek seng podo dholanan ing jobo omah.Lan saben dina kudu njaga kesehatan,amarga wis akeh wong sing Positif Covid-19.
"Le,kowe kok gak ndang mandek lek dholanan hp?",jare Ibuk takok.
"La,isih nggarap tugas Buk",jawabe Rezza(jenenge ngarang).
"Yowes lak ngono,tugase digarap disek",Ibuk ngandhani.
"nggih Buk",jawabe Rezza.
Sak wis e Rezza rampung nggarap tugase,Rezza banjur leren lan maem ben wetenge gak keluwen kanggo nggarap tugase.Sak wis e garapanae rampung,tugase banjur dikirim nang guru ne lewat WA utawa dikirim nang google class.Lek wayah daring,saben dina mestine diwenehi tugas karo gurune.Tugase akeh nemen,nggarai awak kesel amarga kakehan tugas.Yen wayag bengi kudu ndang turu jam 08.25 nek ora yo paling jam 09.00 bengi.Nek wayah isuk iso melu google meeting karo gurune lan Kanca-kancane.
"Assalamualaikum,sehat kabeh ya anak-anakku seng bahagia",Salam e gurune.
"Waalaikumsalam pak/buk",jawab salam e bocah-bocah.
"Dina iki kabeh pada kudu nggarap halaman 15 nganthi halaman 17 sing tugas Evaluasi Siswa ya! ",dhawuhe guru.
"Ooo..,sing halaman niki kula sampun rampung pak/buk",jare Rezza neng gurune.
"Owalah..,pinter tenan niki muridku",pujiane gurune.
"matur nuwun pak/buk",Jare Rezza karo Matur nuwun"
"Ya le...,engko kirimen nang WA utawa google class ya Le! ",dhawuhe gurune.
"Nggih pak/buk!",jare Rezza.
Sawise meeting karo gurune,Rezza banjur ngirim garapane seng wis bar sakdurunge kanca-kancane.Akhire Rezza wis ora enek garapan maneh,dadi Rezza iso anteng ora mikirne garapane.
"Lo..,le..,kowe kok gak nggarap tugas le?",Ibuke takok lan heran.
"Lah tugasku wis rampung lo buk",jawabe Rezza karo santai nang kamare.
"Lah ora enek garapan maneh? ",takoke Ibuke maneh.
"Tugasku kabeh wis rampung kabeh kok,sakdurunge kanca-kancaku",jawabe Rezza.

Wes Rampung Cerkak Ing Ndhuwur!!!

17. Saka aku kelas pitu nang mts tekan akhir kelas pitu aku ngerasakne daring terus, amarga covid isik akeh nang sekitar sekolah lan omah. Critaku tekan kelas pitu ki raonok seru"ne, enek ae alasan e pas melu zoom opo gmeet pelajaran karo guru, misal ae sinyal e elek, data ne entek, ra krungu suarane. Pokok raenak ae critaku kelas pitu mbien, nanging enak e daring ki enek, iso turu, iso mangan, iso nyapo ae nanging guru raroh koe nyapo ae, koe absen iso alasan sinyal e elek. Daring ki onok enak raenak e, pas masa daring ki aku akeh neng omah timbang melu dolanan nang luar, amarga wedi kenek covid nang sekitar. Akhir e pas aku kelas 7 akhir meh kelas wolu alhamdulillah ora daring neh, iso sinau karo konco lan iso dolanan nang sekolah ora mikir covid neh, nanging tetep prokes soal e covid nang sekitar kene. Sejak saiki aku iso sinau luweh sregep lan iso melu kegiatan nang sekolah neh, mbien pas daring aku muales melu ngono wi. Haikal sisan tak omong i ben ora males melu pelajaran, ben iso seneng menuntut ilmu nang sekolah, ben de e seneng sinau nang sekolah karo koncone. Soko pandemi iki aku belajar akeh, koyo menghemat waktu lan ojo males kudu sregep sinau ben dadi wong seng berguna. Ojo lali bersyukur karo Gusti Allah Swt ngekek i urip seng layak, kisah ku pas daring mbien ki lucu", pas aku absen kelas kae nitip nang koncoku dewe lak iso"ne de e mau sisan. Masa" aku kelas pitu mbien masa seng ra mungkin aku lali, opo ya akeh kisah lucune seneng susah e dilewati tekan pandemi iku. Seng penting saiki awak dewe tekan saiki waras ora lara sitikpun.

18. Dadi aku ngerjakake tugas videoku dhewean. Bar gawe tugas video iku aku terus mbantu ibuku ngresiki omah amarga Haikal bar mangan kecer kabeh. Terus bar ngresiki omah aku tilem sekedap amarga aku kesel, trus bar kui ibuku nyeluk aku ben tangi. Ibuku ngandani aku ben shalat garai wis mlebu jam ashar. Aku langsung wudhu lan shalat bar kui adhikku teka lan ganggu aku sing lagi shalat, bapakku weruh lek adhikku ganggu, adhikku langsung di dukani bapakku yen ganggu wong sembahyang iku gak apik. Bar kui ibuku nyeluk aku lan adhikku arep diajak metu ning omahe mbahku. Aku seneng banget garai diajak ning omahe mbahku, garai aku iso ketemu dulurku lan iso dolan bareng. Aku nginep ning omahe dulurku 3 dino terus aku muleh lan ibuku ngandani paling 1 tahun maneh lagi mlebu. Aku seneng garai aku nek daring iso turu yen nge zoom. Wis dhisik ya critaku kanca kanca.

19. Kulo daring taun wingi amarga ana virus corona pemerintah mreikna arek sekolah. kanggo ngindari penyebaran virus corona. seminggu iki aku ngentekno preian kanggo sinau lan garap tugas saking bu guru. aku mumet amarga tugas sing diwenehi guruku katah banget. aku luwih seneng sekolah kumpul karo kanca, yen liyane akeh kegiatan ngg griya yen kulo bosen dolanan HP mawun, yen lan taun wingi kulo pas kls 5 awit daring ngg griya yen seterus nne kulo ngewangi Bpk lan ibu kulo nyapu lan sebarang kaler yen kulo dolanan HP lali wektu kulo di seneni wong tuwo , wektu pandemi covid kulo yen sekeluarga wektu liburan nginep neng hotel pacitan sawiseh neng kulo sekeluarga mlaku mlaku neng pantai ndelok pemadangan sewesih ber selfi selfi yen lan dhahar lan ngombe , yen sewisih balek neng madiun kulo di halangi polisi di kon karantina selama 1 minggu yen sewisih karantina kulo sekeluarga balek neng griya sewisih tekan neng griya yen mlebu griya podo kotor kabeh kulo sing ngeresik ngeresik griya , podo dino senin kulo kls 7 wktu daring kulo gk melo daring goro goro dicelokne kanca kanca kulo ajk futsal sewisih futsal kulo balek neng griya wektu daring ws bar tugas se akeh yen kulo awake ra enak di kiroi covid ,bapk lan ibu gk gelem ngobat ne goro ora krungu omongan Bpk lan ibu yen kulo sambet loro bengi ra iso tilem ngarai loro yen ibu kerok ne badan kulo , yen kanca kanca kulo nyelok ne neng arep gerbang ngejak dolan neng kali golek iwak sewisih golek iwak konco kulo nyeplung sewisih neng kali kulo balek neng griya masak iwak bakar karo keluarga kulo tamatt

20. Aku paling bosen nek enek zoom utawa google meet isuk isuk nguantuk gek nek google meet ngonokae biasane ibukku ngongkon aku adus, uademm. Sakwise google meet aku biasane langsung ngerjakke tugas tugas sing dikei guru pas google meet karo koncoku, sakwise tak kerjakke langsung kumpulke, nek ngumpulke tugas biasane lewat wa tapi format pdf nek ga dokumen tapi kadang iso juga dikumpulke lewat email. Gak keroso aku wes 1 tahun luwih daring akhire sekolahku ngumumne nek bakal tatap muka tapi dibagi 2 sesi. Aku kebagian sesi ganjil amargo absenku ganjil, sesi ganjil mulai jam 07.00-10.00 sesi genap mulai jam 10.00-12.30, aku seneng banget pas enek info tatap muka amargo aku iso ketemu konco koncoku. Wes 2 bulan tatap muka iki kelaku, sekolahku ngumumne nek awal desember bakal enek PAS (Penilaian Akhir Semester) tapi PAS iki bakal dilakoni daring ing omah masing masing lewat e learning amargo gak memungkingan nggo ngabungne 2 sesi dadi siji koyok biasa amargo covid lagi marak marake, aku ngelakoni PAS iki kira kira semingguan luwih. Alhamdulillah PAS ku wes bar nilaiku lumayan memuaskan tapi kudu sinau neh luwih giat. Sakmono wae ceritaku pas daring amargo covid 19 matursuwun lan pangapunten nek enek salah kata.

21. Yen tugase video rampung, aku ngupload tugas ning grup wane kelas kuwi, Saben isuk kudu melu zoom. Amarga materine diterangke saka zoom, saben ulangan mesti dionokne ing google form utawa e-learning sekolah. Tugas tugase daring luwih akeh katimbang tugas pas sekolah luring. Saben isuk pas wektune absen, absenku mesti dilewati amarga akeh sing ngetik bareng bareng, sawise absen, gurune ngadhake zoom utawa google meet, sawise zoom, gurune nguwehi tugas. Anak sing sregep tugase langsung digarap, biasane rampung jam wolu. Amarga aku anake rodok males, tugase biasane tak kirim jam sepuluh, yen wes rampung tugas, aku shalat dhuhur. Sawise shalat zuhur nek ora mangan yo nerusne tugas sing durung rampung, sawise mangan/nggarap tugas aku turu. Nek sore sore sawise salat ashar, aku biasane sepedahan mubeng perumahan. Yen bengi sawise salat isha' Aku langsung turu.

22. Saben dino aku di kengken ibukku rasane ora penak lek sekolah daring tugase akeh,mesti Sinau nggae laptop utawa hp,Karo ngentek- ngenteki paketan,gek nggarai bosen, ngantuk,mumet pisan.Tapi enek penake barang iso dolanan sakwayae,mangan sak penake,leyeh leyeh.Sak suwine sekolah daring aku kangen Karo konco-koncoku lan guru-guruku kangen banget Karo sekolah,gak keroso aku wes wisuda unggah- unggahan kelas pitu terus aku tompo ijasah terus aku sekolah Ning mtsn.Aku entok kanca anyar terus kenalan mbelu sekolah mung sedeluk terus daring neh aku kesel banget.Sak suwine covid rong taun akhire mlebu sekolah pas kelas Pitu akhir aku kangen banget Karo sekolah lan kanca-kancaku mestine Karo masakane ibu kantin.Sak durunge Munggah kelas wolu sekolahku libur dowo banget telung Minggu,pas libur aku manfaatne liburku nggo sinau Ning pondok kilat Caruban aku seneng banget neng Kono akeh kanca,mbak pondoke apikkan,gurune lumayan sabar entuk limang Dino aku wes mulai gak penak soale lek adus antri,tangine isuk,gek wetengku loro banget amergo gak iso beol lek arep beol mesti didodoki mbak pondok sak wise muleh sing tak goleki neng omah udu keluarga tapi kamar mandi soale aku nahan beol seminggu tapi seru banget akeh pengaaman neng pondok.Wes mulih ko pondok semingguan aku kangen banget Karo kanca pondok lan keseruan ning kono.Bar libur aku mlebu sekolah saiki aku wes kelas wolu muride maleh di acak aku nelongso lan wedi tapi Yo seneng mergo entok kanca anyar sing pinter-pinter,lucu,seru,kompak gek Saiki wis akrab. Terus entuk pelajaran,lan guru anyar mestine Yo duwe adik kelas sing menurutku enek sing pendiem,ayu,bagus,caper lan lan Sik akeh.Cukup samene Bae cerita pengalamanku.MATUR NUWUN.Wassalamuaalaikum Wr Wb.

23. sing luwih mangkelne kuwi pas zoom aku diceluk kanggo njawab pitakonan ndadak wifine lemot. Tapi untunge pemerintah ngekei kuota gratis gawe pelajar, hehe lumayan😅. Awak dewe sinau nggunakake zoom, gmeet, gform, e-learning lan WA. nang gform kui biasane panggon ngerjakne tugas utawa ulangan. Yen e-learning kui panggon ngerjakne lan ngirim tugas, ulangan lan bisa kanggo panggon absen. Biasane sih ana arek sing mung absen tok hehe. WA kui panggone interaksi murid lan guru, ngirim link zoom/gmeet, gform yo ning WA. Gak enake sih pas aku keturon tibak e ana jadwal zoom, langsung nggolek alasan nyapo ra melu zoom hehe. Tapi enake sinau daring pas ana tugas iso nyontek sitik sitik. Pas akhir semester ganjil kelas pitu, akhire awak dewe melbu luring tapi melbu e sesuai absen genap lan ganjil, aku kelebu absen ganjil. Seneng + ketar ketir banget, wetengku slundap slundup. Kelas pertama ku ning lantai loro, undhak-undhakane serem banget tapi kelase gedhe. Pelajaran pertama guruku bu anita, gurune murah senyum banget gurune. Pas pelajaran arep dimulai, tibake awak dewe dikon kumpul nang lapangan kanggo pembukaan ngono lahh. Mari pembukaan ing lapangan awak dewe ngawali pelajaran nganti 10

24. opo meneh pas paketan hp entek. Aku bingung amarga gak iso melu zoom pelajaran sekolah, lek enek soal seng angel aku bingung kan gak paham amargo gak iso takok gurune amargo daring, lek enek soal sing angel aku bingung lan gak paham anargo gak iso ketemu langsung Karo gururne amargo daring. Ibuku sering nesu - nesu amargo paketan e sering entek akhire ibuku sepakat masang wifi jare ibuku ben gak pemborosan. Kegiatanku pas daring yaiku Kelod - Kelod, Isah - Isah, ngumbahi klambi lan ngewangi ibuku masak lan njogo adek ku naliko ibuk ku metu blonjo di ngge kebutuhan sehari hari sing wis ameh entek. aku gaene Tangi isuk kangge ngewangi ibuku dodolan kopi lan soto ing pasar mari ngono aku di kongkon ibukku ngedusi adek ku lan ngenggeni klambi adek ku amargo adek ku ijek cilik, mari ngono gantian aku ados lan nyiapke buku pelajaran lan alat tulis di nggae zoom mari zoom aku maem lan makani kucing ku lan aku ngerjak tugas sing wis di kek i guru e pas zoom mari ngerjak ne tugas aku turu sediluk nganti Sore, Tangi turu aku ngelamun sediluk mari ngelamun aku langsung cuci muka Utawa Raup mari cuci muka aku Kelod - Kelod lan Isah - Isah mari Isah - Isah aku ngedusi adek ku, mari ngedusi adekku gantian aku sing ados mari ados aku sholat ashar mari solat ashar aku Sinau sediluk sampe magrib pas krungu adzan magrib aku langsung wudhu lan ngelakoni sholat magrib mari sholat magrib aku ngaji sampe adzan isya aku langsung ngadek lan ngelakoni sholat isya mari sholat isya aku sinau sediluk mari Sinau aku cuci muka sikat gigi lan langsung mapan turu.

25. Banjur tugas video iku kudu apal tenan apa sing diterangake guru kudu persis durung kuwi aku gemeteran gugup, amarga aku gugup , tugas video iku aku ngumpulake mesti telat. Ya, kancaku cepet ngumpulne tugas banding aku, amarga kancaku sering nggawe video tik tok makane gak gugup. Durung maneh tugas suara, lan nulis. Tugas suara iku akeh-akeh gurune ngongkon hapalan gek akeh, banjur apal siji, ngapalne liyane malih sing diapalne mau lali. Lek tugas nulis iku sing ditulis iku akeh banget, malah ana guru sing ngongkon nulis ning youtube sak video kebek. Bar kuwi sing di tulis wi di foto akeh banget soale sak video. Durung maneh aku kudhu ngrewangi buk ku nyapu, mepe, lan nyuci klambi, njaga adik ku dadi tugase kuwi malih numpuk, gek ben minggu aku mesti pedahan karo kancaku, lek aku ra melok mesti diseneni pak ku kanggo melok, ben gak mumet ning omah, lan refreshing jarene. Aku bar kuwi pedahan muter-muter madiun. Mulih saka pedahan aku niate ameh sinau ngerjakne tugas bar adus, banjur bapakku ngongkon aku nyetrika klambi seragam, lan kaos dinggo aku. Seragam dinggo aku macak pas zoom. Lek kaos dinggo aku gawe sak bendino. aku seneng mlebu amarga iso ketemu kanca-kancaku, lan intuk sangu saka wong tuwaku banding ning omah sumpek. Njelalah kae mlebu sak minggu tok, amarga pas iku copid-19 lagi nyebar. Sampek buk ku kenek copid-19, amarga buk ku kenek copid-19 aku sinau dewe, lan dongakake buk ku supoyo mari soko copid-19, buk ku copid-19 aku melu pak ku ning kantore ben aku iso zoom lan ngerjakne tugas. Pas kuwi enek tugas ipa kongkon meneliti daun gek pas kuwi laptop e keri ning omah, banjur aku telat ngumpulne tugas. Pas wulan ngarep aku mlebu sekolah, aku seneng banget biso ketemu kanca-kancaku. Mekaten cerkak kula

26. Ibukku meh sabendina stres perkoro tugasku lan adhikku sing numpuk lan uwakeh e koyok dusoku. Jujur, aku mesakne marang ibukku sing repot nandangi aku lan adhikku, haikal. Saben ana zoom utawa pertemuan per pelajaran lewat online, aku kudu nyepakne klambi seragam lan kudu gelut disik karo jilbabku sing bentukane ora nggenah. Aku ndungo terus marang gusti Allah, ben aku ndang sekolah tatap muka. Tapi sebener e, aku cuma pengen ngehindari gawean sing isuk nganti sore, sih. Remuk awakku rii nek dikongkon umbah umbah, gorong meneh ngerjakno tugas tugas saka guru sing naudzubillah iku. Tapi ya, gelem ora gelem, iso ora iso aku mesti iso.


27. Ning omah 2 taun sekaligus kui yo lumayan nggarai mumet, lumayan garai stres, uga garai seneng. Saben dina kegiatanku mung resik resik omah, ndelok TV, ngerjakno tugas, ndelok HP lan les ben sore. Sak liyane iku, aku ora neng ndi ndi amarga ora ndue kanca sing tak jak dolan. Sakjujur e, ana sih rencana arep dolan karo kanca - kancaku. Arep nonton Film neng Plaza Lawu cah 5 utawa cah 6, tapi ora tau dilakoni. Yo ngunu lah, jenenge bocah esempe. Kadang awakdhewe yo contek contekan karo bocah bocah sing liyane. Paling sering contekan kui pas pelajaran e Bu Ani utawa IPA lan Pak Faris, Mate. Sak tenane, aku emang lemah ning 2 kui mau. Tapi Alhamdulillah e akeh sing omong aku apik ning Basa Inggris, dadine mbiyen aku didadekno bandar contekan inggris. Oh yo, mergo aku cah BLC, dadine ben senin lan rabu sore mesti ana Prime English utawa kelas basa inggris sing wajib gawe kabeh cah BLC. Aku biasane mbolos amarga males. Soale ben aku bar Kelas Inggris langsung budal les, dadine yoo kesel.

Ora keroso ulangan semester wis teko. Ulangan semester iki soal e ora pati angel sih. Tapi, aku kudu tetep nggarap sing tenan ben entuk nilai sing tak pengeni. Dadi wong sing pengen pinter iku emang angel lan kudu ngetokne usaha sing uwakeh. Mbuh nangis mbuh stres mbuh lara, pokok aku kudu iso ning kabeh pelajaran, batinku ngono. Nanging Alhamdulillah e aku wis tahu ngelewati iku kabeh, tapi saiki aku urong pinter ning pelajaran sing ga tak isoni. Pokok e, ulangan kelas 7 iki, aku kudu apik. Pinginku kui bae, ora neko neko. Seminggu nan aku nglakoni ulangan e, lan pas pembagian rapot, alhamdulillah IP ku mencukupi gawe mlebu kelas percepatan. Tapi sayang e, pas seleksi pertama, aku wis gugur disik. Yo nangis, yo nesu, yo getun karo awakku dhewe. Aku nganti isin mbukak Hp utawa mlaku ning lingkup sekolah meh pirang pirang dina. Tapi alhamdulillah e, kanca kancaku sing pada lolos ora malah nggoblok² i aku tapi malah nenangke aku. Kanca iku ternyata emang suport sistem ter apik nek lingkup e apik.

Nek aku menang olimpiade, sing pertama kali tak omongi kuwi Syeva. Soale, aku karo syeva iku cedek. Awakdhewe sak les les an, lan awakdhewe sak kelas. Dadi, menak pas ngobrol. Tapi sayang e, aku ora ndue duit sing akeh gawe nebus sertifikat online ku sing ongkir e meh 60 ewu. Pengen tak ikhlasne, tapi ora ikhlas. Tapi yo piye meneh.


Pas awal mlebu kelas, awakdhewe kabeh ola olo, padahal ning grub gawe ngobrol kuwi wis akrab banget. Jan kok kanca kancaku ki. Tapi akhir e awakdhewe wis iso akrab. Awakdhewe akeh rencana dolan bareng, sing paling sering iku ya ndelok Film ning Plaza Lawu. Pertama kali ndelok bareng iku cuma cah 5 utawa 6 lan mulih lumayan sore, terus uga nate dolan ning gacoan, madhang mie gacoan bebarengan terus dolan ning gulun. Pokok e, akeh memori dolan sing ora iso dilalekno karo kanca kanca kui.

Saka daring, awakdhewe wis plek kaya kertas nek diwenehi lem. Tenan wis kaya dulur. Nanging, awakdhewe yo nate tukaran, nate padu, nate jatuh cinta barang ning sak kelas. Akeh pokok e kenangan sing ora iso tak jabarke siji siji ning cerito iki. Nganti pas arep mlebu sekolah bar PAS, tibake awakdhewe di rolling alias dipencar. Padahal awal e wis seneng MTs ora ana rolling - rolling an kaya sekolah sekolah liyane, nanging tibake dirolling sedina pas arep mlebu. Wes saking lucune emang kudu daftar stand up comedy kok e. Nanging, kanyataan e emang ngene. Akeh kanca kancaku sing pinter pindah dadi siji kelas sing isine wong pinter kuabeh. Kanca kelasku, kabeh e ana 5 biji sing iso mlebu kelas Percepatan. Tak beri tepuk tangan secara bangga lan kowe - kowe kabeh tak debutake neng kene ya. Amarga, aku weruh. Nek kabeh perjuanganmu kui ora ana sing gampang. Sampek saiki, aku bakalan kangen momen momen awakdhewe guyonan ning kelas sing diruwat apik bebarengan, sing di nggo ngegalau bebarengan, momen momen awal mlebu sekolah Offline sing alay tur nggarai gumuyu, lan liya - liyane. Kabeh, sing tak sayangi, sing tak tresnani, sing tak gethun i ana ning kelas e awakdhewe biyen. Nanging, aku ya ora iso mbandingke kelas e awakdhewe mbiyen lan kelas e awakdhewe saiki. Aku ya krasan - krasan bae ana ing kelas saiki. Tapi kadang, aku kangen kowe kabeh, cah.

Kabeh kenangan sing ana ing kene, bakalan abadi ning njero ati.


#Crita iki asli  tulisane siswa durung diedit, dijupuk langsung saka google form
#Merga saking akehe crita dibagi  ing bagian1, 2, 3  lan bagian 4  ya😍
SALAM LITERASI!


LAMPIRAN:

DOKUMENTASI GLADHEN MACA LAN NULIS CERKAK







Crita Misteri

ORDERAN NYALAWADI dening: Dyah Kurniawati         Mumpung prei kuliyah aku nonthong neng taman kutha sinambi nunggu orderan. Nanging kawit e...